كوردستان له‌ به‌ڵگه‌نامه‌ی به‌ریتانی

بروسکەتان لە ٢٨ی نیسان، ژمارە: ٦٧، لە پەیوەندی لەگەڵ وەزارەتی دەرەوە ئەوەی بتوانم دەیکەم بە مەبەستی پەرەپێدانی لێکتێگەیشتن لەگەل حکومەتی ئەنقەرە، بەڵام پەیوەستکراوم بەوەی کە ئاگادارت بکەمەوە کە بە ئەگەرێکی زۆرەوە پێناچێت بتوانرێت لە کاتی خۆیدا ڕێککەوتن بکرێت بۆ کاریگەری لەسەر بارودۆخی ناوخۆیی لە پێش کۆتایهاتنی مانگی مایس. لە پەرەگرافی دووەمی کۆبوونەوەی سێیەمی کۆمیسوێنی سەربازی لە کۆنفرانسی قاهیرەدا کەمکردنەوەی سەربازگەی موسڵ بۆ دوو بەتالوێن پەسەند کراوە لەسەر بنەمای ئەو تێگەیشتنەی کە تۆ ڕیگەکەتت بینی بۆ دانانی دوو یەکەی سەربازی لە باکوری بنکەی پێشەوە لە ماوەی دوو مانگدا. من وایدادەنێم بە ئارامی دور لەو گەشەسەندنانەی پشت سنور، نابێت تۆ هەرگیز وابیربکەیتەوە کە هێزەکان دەتوانن لە بنکەکانی پێشەوە پاشەکشە بکەن هەتا ئەوکاتەی کە یەکە سەربازیەکان ئامادە دەبن بۆ جێگرتنەوەیان. هەر لەبەر ئەمەیە کە من تێناگەم بۆچی دۆخی جێگرتنەوەی هێزەکان لە لایەن یەکە سەربازییەکانەوە پەیوەندی هەیە بە دەستتێوەردانەکانی تورکەوە هەروەکو ڕاتگەیاندوە. لە هەموو بارودۆخیکدا من ناتوانم ڕەزامەندی بدەم لەسەر گۆڕانکاری لە پرۆگرامی کشانەوەی هێزەکان و ئەبێت داوا لە تۆ بکەم بۆ ئەوەی هەوڵی تەواوی خۆت بدەیت بۆ ئامادەکردنی یەکە سەربازییەکان بۆ جێگرتنەوەی هێزەکان بە بێ دەستوەردان لە پرۆگرامی کشانەوەکە، ژمارەی ئەو سەربازانەی پێویستن زۆر نین. زیاتر لە نیوەی ئەو ژمارەیەی کە پێویستە بۆ ئاکرێ و زاخو دەکرێت دەستەبەر بکرێت لەو (٤٩٠) چوارسەد و نەوەد سەربازە کوردەی کە ئێستا بەردەستن. من تێدەگەم کە تەنانەت لە کاتی ڕودانی داگیرکردنی بنکەکانی پێشەوە لە لایەن تورکەکانەوە هەروەک بیری لێکراوەتەوە لە بروسکەی ژمارە (٢٩) تاندا، بەڵام لە ڕوانگەی دەسەڵاتی سەربازییەوە پێشنیاری گرتنی موسڵ و ناوچەکانی تری ویلایەتەکە کارێکی نا کرداری نییە، هەرچەندە سەبارەت بەم خاڵە ئۆفیسی شەڕ(دواتر ناوەکەی گۆڕاوە بۆ وەزارەتی بەرگری ) داوا لەئەفسەری فەرمانداری گشتی دەکات بۆ خستنەڕووی بۆچوونی تەواوی خۆی لەسەر ئەم خاڵە.

چەرچڵ،