نەوشێروان مستەفا دەربارەی مردنی خۆی چی بە جەلال تاڵەبانی ووتوە؟؟؟؟؟

Views: 231

نەوشێروان مستەفا دەربارەی مردنی خۆی چی بە جەلال تاڵەبانی ووتوە؟؟؟؟؟

تاڵەبانى لەیەکێک لە پەرتوکەکانیدا کە بیرەوەرییەکانى تیادا نوسراوەتەوە، نوسیویەتى، نەوشیروان مستەفا لە سەرەتاى شۆڕشی نوێ پێی وتم زۆربەى سەرکردەکانى شۆرشی کورد لە دەرەوەى کوردستان مردوون، وەرە با من و تۆ لە ناو وڵاتى خۆمان و لە شاخ و کێوەکان یاخود لە ناو شارەکانى کوردستان بمرین و گۆڕ و گۆڕستان و شوێنەواری شەهیدبون بەجێ بهێڵین.

جەلال تاڵەبانی سکرتێری گشتى یەکێـتى لە کتێبی دیداری تەمەندا باسی لە دیدار و گفتوگۆیەکى خۆى و نەوشیروان مستەفا کردووە و نوسیویەتى  “پێمخۆشە هەڵوێستێکی جوامێرانەی کاک نەوشیروان تۆمار بکەم: رۆژێکیان نەوشیروان هات بۆ لای من و گوتی؛ باپێکەوە پیاسەیەک بکەین، پیاسەمان کرد، پرسیارێکی لێکردم و گوتی: تۆ پێت وایە من لەو کەسانەم حەزدەکەم پێش تۆ بمرم و ئەو گوللانەی بۆ تۆ دێ بە لەشی خۆم بیگێڕمەوە و بێ ئەندازە رێز و خۆشەویستیم بۆ تۆ هەیە؟ گوتم؛ بەڵێ پێم وایە و باوەڕی تەواوم بەوە هەیە، ئەویش گوتی کەواتە پێشنیازێکم هەیە، ئەمەوێ باش گوێم لێبگریت، پێشنیازەکەم ئەوەیە: تائێستا سەرکردەی شۆڕشەکانی کورد لە شکست و لێقەوماندا هەڵاتون و وڵاتەکەیان بەجێهێشتووە و زۆربەیان لەدەرەوەی وڵات مردوون، با ئێمە ئەمجارە وانەکەین و رانەکەین، با لە ناو شاخ و دۆڵەکانی کوردستاندا بمێنینەوە تا مردن، گۆڕ و گۆڕستان و شوێنەواری شەهیدبون بەجێ دەهێڵین، یان کە هیچ جێ نەما و چارەنەما دەچینەوە شارەکان و سەرکردایەتی خەباتی نهێنی دەکەین و لەوێ یان مردن یان سەرکەوتن بەدەست دەهێنین”.
نەوشیروان مستەفا کێیە؟

نەوشیروان مستەفا لە ساڵی ١٩٤٤ لە گەڕەکی سەرشەقامی شاری سلێمانی لەدایکبووە و لە ساڵی ١٩٦٧ کۆلێژی زانستە سیاسییەکانی زانکۆی بەغدای تەواو کردووە.
لە ساڵی ١٩٦٧ دا نەوشیروان مستەفا بووە بە ئەندامی لقی سلێمانی پارتی دیموکراتی کوردستان و یەکێکە لە دامەزرێنەرانی یەکێتی نیشتیمانی کوردستان لە ساڵی ١٩٧٥ دا و تا ساڵی ٢٠٠٦ لە ناو یەکێتیدا کاری کردووە و جێگری سکرتێری گشتی یەکێتی بووە.

لە ٢٥ تەمووزی ٢٠٠٩ دا بزووتنەوەی گۆڕانی دامەزراند و لیستەکەی ٢٥ کورسی خولی سێیەمی پەرلەمانی بەدەستهێنا و لە خولی چوارەمیشدا گۆڕان ٢٤ کورسی پەرلەمانی بەدەستهێنا.

نەوشیروان مستەفا لە ساڵی ١٩٨١ هاوسەرگیری کردووە و دوو کوڕ و کچێکی هەیە بە ناوەکانی نما و چیا و چرا و چەندین کتێبی لە بواری مێژوویی و ڕۆژنامەگەریدا نوسیوە و زنجیرە کتێبێکیشی هەیە کە تایبەتە بە ژیانی سیاسی خۆی و ئەو ڕووداوانەی لە کاتی ئەنجامدانی کاری سیاسیدا ڕوویانداوە.
هـ،ڕ