كوردستان له‌ به‌ڵگه‌نامه‌ی به‌ریتانی

نێردراوە لە کاتژمێر ٩:٣٠ ی ئێوارەی ١٥ی ئازاری ١٩٢١،

ڕوونکردنەوە، ژمارە: ٥

تکایە بڕوانە بروسکەکەتان لە ١٥ی ئازار، دەقی بەندی تایبەت بە کوردستان کە خراوەتە بەردەم وەفدی تورکی لە ١٢ی ئازار بەم شێوەی خوارەوە:

لە دەستپێکدا سەبارەت بە کوردستان هاوپەیمانان ئامادەن بۆ مەرجی هەبوونی ئاسانکاری ئۆتۆنۆمی ناوخۆی و پارێزگاری پێویست لە بەرژەوەندییەکانی کوردو ئاشوریەکان بە لەبەرچاوگرتنی گۆڕانکاری لە ڕیککەوتننامەدا بە شێوەیەک کە لەگەڵ ئەو ڕاستیانەدا بگونجێت کە لە هەل و مەرجی ئێستادا بوونیان هەیە. کۆتایی. سەبارەت بە بروسکەی ١١ی ئازاری من، وای بۆ دەچم ئێستا کورتەی ناوەڕۆکی مەرجەکانی تری تورکتان بە تەواوی بە دەست گەیشتوە. سەبارەت بەو خاڵانەی کە لەو بروسکەی تۆدا کە لە ژێر وەڵامدایە ئاماژەت پێکردوە ئەوا سبەینێ بروسکەی زیاتر دەنێرم.

شۆکبێرگ، بریکاری وەزارەتی دەرەوەی بەریتانیا