Home / مێژووى جیهان / سەیروسەمەرەکانى مێژوو / چیرۆکی بێ شانسترین سەربازی جەنگی جیهانی یەکەم

چیرۆکی بێ شانسترین سەربازی جەنگی جیهانی یەکەم

چیرۆکی بێ شانسترین سەربازی جەنگی جیهانی یەکەم
ڕاچڵەکین- ماردین عوزێریسەربازێکی بەریتانی قوربانی جەنگی جیهانی یەکەم چیرۆکی ئەزمونەکانی لەگەڵ جەنگەکەدا چەند رێکەوتێکی نامۆی پێچەوانەی بەرژەوەندییەکانی تێدایە کە وای لێ کردە ببرێتە بەرەکانی جەنگ و بەشداری خوێناویترین شەڕی جەنگەکەی پێ بکرێت.

پێگەی میترۆ-ی بەریتانی لە سەدهەمین یادی کۆتایی هاتنی جەنگی جیهانی یەکەمدا چیرۆکی یەکێک لە قوربانییەکانی ئەو جەنگە بە بیری خوێنەرانیان دەهێننەوە کە زۆرجار بە (بێ شانسترین سەربازی جەنگی جیهانی یەکەم) ناو دەبرێت.

جۆرج فرێدریک ئایریش یەکێکە لەو قوربانییانەی ناوی لە پاڵ ٧٣ هەزار ناوی دیکەدایە کە لەسەر مۆنومێنتی سیڤپاڵ لە بەڕیتانیا هەڵکۆڵڕاوە، ئەم مۆنومێنتە تایبەتە بەو سەربازە بەشدارانەی شەڕی (سۆم)یان کرد و لاشەکانیان نەدۆزراونەتەوە یان نەناسراونەتەوە.

Mandatory Credit: Photo by Andrew Parsons/REX/Shutterstock (7555496j) A Drumhead service at the Commonwealth War Graves Commission Thiepval Memorial to the Missing as the 18th Novemeber marks the day when the Battle of the Somme ended 100 years ago. The ending of Battle of the Somme, 100th anniversary, Thiepval Memorial, France - 18 Nov 2016
مۆنومێنتی سیڤپاڵ لە بەڕیتانیا

جۆرج بەر لەوەی توشی چارەنوسە ناهەموارەکەی ببێت، لە گوندی رێدیچ وەک پاڵەوانێک ناوی دەرکردبوو. جۆرج لە ١٩١٣دا منداڵێکی رزگارکرد کە کەوتبووە زێرابێکی چوار مەتر قوڵەوە. جۆرز بازی دابوویە ناو زێرابەکەوە منداڵەکەی دەرهێنا کە وای لە شا جۆرجی پێنجەم کرد مەدالیای نەبەردی پێ ببەخشێت.

جۆرج لەژێر سەرپەرشتی مامیدا کاری بازرگانی خەڵوزی دەکرد. بازرگانی خەڵوز یەکێک بوو لەو پیشانەی کە مافی خۆلادان لە ئەرکی سەربازی دەبەخشییە خاوەنەکەی. جۆرج تەنها پێویستی بەوە بوو مامی فۆرمێکی پشتگیری بۆ پڕ بکاتەوە کە ئەو لەگەڵیدا ئەو کارە دەکات و نەدەنێردرایە بەرەکانی جەنگ. بەڵام مامی بیری چوو فۆرمەکەی بۆ پڕ بکاتەوە و دوای وادەی ئەو فۆرمە تێپەڕی بەسەریاندا. بەو شێوەیە جۆرج بانگهێشتی سوپای بەڕیتانی کرا بۆ جەنگی جیهانی یەکەم.

جۆرج بە هۆکارێکی نەزانراو خرایە فەوجی گلوکێستەرەوە، لە کاتێکدا زۆربەی سەربازەکانی گوندەکەی ئەو خرابوونە فەوجی وۆرکێستێرەوە. فەوجەکەی جۆرج نێردران بۆ بەشداریکردن لە خوێناویترین شەڕی جەنگی جیهانی یەکەمدا کە شەڕی (سۆم) بوو لە فەڕەنسا. ئەم شەڕە زیاد لە ملیۆنێک قوربانی لێ کەوتەوە.

Mandatory Credit: Photo by Windmill Books/UIG/REX/Shutterstock (4435568a) Battle of the Somme. British Front - France Battle Somme. VARIOUS
جەنگی سۆم

دەوترێت کە جۆرج لەگەڵ هاوڕێیەکیدا ئاڵوگۆڕی کات و شوێنی ئەرکە سەربازییەکانی کردووە کە وای کرد بەر یەكێک لە توندترین بۆردومانەکانی هێزە ئاسمانییەکانی ئەڵمانیا دژ بە سەربازانی بەڕیتانیا و فەڕەنسا بکەوێت. جۆرج لە ساڵی ١٩١٦دا و تەمەنی ٢٣ ساڵیدا بەهۆی بۆردومانی فڕۆکەی ئەڵمانییەوە گیانی لەدەستدا.

چیرۆکەکەی جۆرج نمونەیەکە لەوەی کردار و رێکەوتی بچوکی یەک لەدوای یەک چۆن ئەنجامێکی گەورە و چاوەڕوان نەکراوی لێ دەکەوێتەوە.

لێدوان له‌ ڕێگای فه‌یس بووك

About didar othman

Check Also

9695010-72489810-d23a6f7d22e9c64184058eacf6d4ba9398dff9f8-1500-1-1549280593-728-32e9147584-1549363977

چەند زانیاریەک لەسەر ژیانی فیرعەونیەکان کە سەیر و سەمەرەیە

خێزان ئەمەی خوارەوە چەند زانیاریەکە لەسەر ژیانی فیرعەونیەکان کە سەیر و سەمەرەیە: -کۆیلەی تایبەتیان هەبووە کە …