Home / بەشی مێژووی كورد / وەڵامی بارزانی چی بوو کاتێک نەوشیروان مستەفا بروسکەی راپەڕینی بۆ نارد؟

وەڵامی بارزانی چی بوو کاتێک نەوشیروان مستەفا بروسکەی راپەڕینی بۆ نارد؟

وەڵامی بارزانی چی بوو کاتێک نەوشیروان مستەفا بروسکەی راپەڕینی بۆ نارد؟

FB_IMG_1520242189064

‌بارزانی و نەوشیروان مستەفا.. فۆتۆ: ئەرشیڤ

وێستگه‌ نیوز ـ
دوای ئەوەی لەسەر کات و وادەی راپەڕینی 1991، نەوشیروان مستەفا لە 2ی ئازار بروسکەیەک بۆ مەسعود بارزانی سەرۆکی پارتی دیموکراتی کوردستان دەنێرێت، بارزانی لە 3ی ئازاری 1991 وه‌ڵامی ده‌داته‌وه‌ و بە “به‌ڕێز كاك نه‌وشیروان” ناوی دەهێنێت.

به‌گوێره‌ی‌ به‌ڵگه‌نامه‌یه‌ك كه‌ مێژووه‌كه‌ی‌ بۆ سه‌رده‌می‌ راپه‌ڕین ده‌كه‌وێته‌وه‌، سه‌رۆكی‌ پارتی‌ دیموكراتی‌ كوردستان بروسكه‌یه‌ك ئاراسته‌ی‌ جێگری‌ ئه‌وكاتی‌ سكرتێری‌ یه‌كێتی‌ نیشتمانی‌ كوردستان ده‌كات و به‌ برای‌ به‌ڕێز ناوی‌ ده‌بات.

نه‌وشیروان مسته‌فا، كه‌ ئه‌وكات جێگری سكرتێری گشتی یه‌كێتی نیشتمانی كوردستان بووە، لە رێگای جیهازی بێ تەلەوە رۆژی 2/3 بروسکەیەکی سەبارەت بە کات شوێنی ئەنجامدانی راپەڕین ناردووە بۆ بارزانی، بارزانیش لەماوەی 24 کاتژمێزدا وەڵامی داوەته‌وە.

بارزانی له‌ نامه‌كه‌دا كه‌ سێی مانگی ئازاری 1991 وه‌ڵامی داوه‌ته‌وه‌ ده‌نووسێت: “بۆ به‌ڕێز كاك نه‌وشیروان بروسكه‌تان له‌ 3/2 زۆر سوپاستان ده‌كه‌م، خه‌ریكم خۆم ئاماده‌ ده‌كه‌م و هه‌ندێك مشكلات هه‌ن چاره‌سه‌ریان ده‌كه‌م به‌ په‌له‌ و له‌ مه‌وعدی‌ حه‌ره‌كه‌تمان بۆ لاتان ئاگادارتان ده‌كه‌م، سڵاو له‌ براده‌ران”.

ده‌قی نامه‌كه‌ی بارزانی بۆ نه‌وشیروان مسته‌فا:

له‌ كاك مه‌سعود بارزانی
بۆ به‌ڕێز كاك نه‌وشیروان

سڵاوێكی‌ گه‌رم

بروسكه‌تان له‌ 3/2 زۆر سوپاستان ده‌كه‌م. خه‌ریكم خۆم ئاماده‌ ده‌كه‌م و هه‌ندێك مشكلات هه‌ین چاره‌سه‌ریان ده‌كه‌م به‌ په‌له‌ و له‌ مه‌وعدی‌ حه‌ره‌كه‌تمان بۆ لاتان ئاگادارتان ده‌كه‌م.

سڵاو بۆ براده‌ران.

له‌ راپه‌ڕینی 5ی ئازاری 1991 جه‌ماوه‌ری‌ گه‌لی‌ كوردستان دژی‌ رژێمی‌ به‌عس له‌ شاری‌ رانیه‌وه‌ ده‌ستی‌ پێكرد تا له‌ 21 ی ئازاری 1991دا شاری‌ كه‌ركوك ئازاد كرا.

ئه‌مساڵ یادی راپه‌ڕین له‌كاتێكدا ده‌كرێته‌وه‌ كه‌ هاوڵاتییان و مووچه‌خۆران كێشه‌ی دواكه‌وتنی مووچه‌كانیان و قه‌یرانی داراییان هه‌یه‌، ئه‌مه‌ش یادكردنه‌وه‌ی راپه‌ڕینی لای خه‌ڵكی هه‌رێم كاڵكردووه‌ته‌وه‌.

هــ. ر
PM:12:09:05/03/2018

لێدوان له‌ ڕێگای فه‌یس بووك

About زريان احمد

Check Also

kurdish-soldiers

کورته‌یه‌ک له مێژووی هۆزی “مامۆیی”

فەرەیدون پەروازە شوێن و هه‌ڵکه‌‌وته‌‌ی جوغرافیایی کوردستان له ناوچه‌یه‌کی نیوه ده‌شت و نیوه کوێستانیدا، یه‌کێ …