Home / بەشی مێژووی كورد / ئایا مەلا مستەفا بارزانی بە كام سەركردەی جیهانی كاریگەر و موعجیب بوو ؟

ئایا مەلا مستەفا بارزانی بە كام سەركردەی جیهانی كاریگەر و موعجیب بوو ؟

ئایا مەلا مستەفا بارزانی بە كام سەركردەی جیهانی كاریگەر و موعجیب بوو ؟
ئامادەكردنی : محمد علی فتح الله

17327903_1337148899700553_1997780293_n
لە شەوی 15/10/2013 كەناڵی ئاسمانی ( رووداو ) دیدارێكی درێژ لەگەڵ سیاسەتمەداری كورد ( د.محمد صالح جمعە سوری ) سازكرد، ( ناوبراو نووسەرە زیاتر لە ( 15 ) ساڵ ئەندامی سەركردایەتی پارتی بوو )، لەم دیدارەدا زۆر پرسیار لێ كرا ، یەكێك لە پرسیارەكانی پێشكەشكاری بەرنامەكە ئەوەبوو بە دكتۆری ووت بە حوكمی ئەو كاتی واتا هەر لە ساڵی 1971 تاكو كۆچی دوایی مەلا مستەفا ، تۆ زۆر جاران مەلا مستەفا بارزانیت دیتیە .. ئایا مەلا مستەفا بە كام سەركردەی جیهانی كاریگەر و موعجیب بوو ؟
لە وەڵامدا ووتی لە بەهاری ساڵی 1971 ئێمە چەند سیاسەتمەدارێكی كورد بووین لە سوریا ، سەردانی مەلا مستەفا بارزانیمان كرد لە حاجی ئۆمەران و ( 14 ) رۆژ ماینەوە لە خزمەتی بارزانی دا، لەو 14 رۆژەدا ئێمە بە درێژایی زۆربەی شەوەكاندا بارزانیمان دیت و هەموو پرسیارێكمان لێ كرد ، لە یەك لە دیداری شەوەكاندا من پرسیارم لە بارزانی نەمر كرد كە بە كام سەركردەی جیهانی موعجیب و سەرسامی ؟
مەلا مستەفا لە وەڵامی پرسیارەكەم دا پێی گوتم :
(( لە هەموو سەركردەكانی جیهان بە تەنها بە سەركردەی كورد سەلاحەددین ئەیوبی سەرسامم و زۆر پێی موعجیبم )).
لە پاشاندا ( د.محمد صالح ) دەڵێت : بە بۆچوونی من لەبەر خۆشەویستی مەلا مستەفا بارزانی بۆ سەلاحەددین ئەیوبی لەو كاتدا ( ئاڵای زەرد )ی سەلاحەددینی بەكارهێنایە و كردیە ئاڵای شۆرشی ئەیلول و كردیە رەنگی پارتی دیموكراتی كوردستان .
ئێمەش بە نەوەكانی ئەمڕۆ دەڵێین كە چۆن مەلا مستەفا بارزانی بە سەلاحەددین ئەیوبی موعجیب بووە ، پێویستە ئێمەش موعجیب بین بە سەلاحەددین ، چونكە سەلاحەددین ئەیوبی لە سەردەمی خۆیدا ناوی كوردان بە فەرمی لە سەرانسەری جیهان بڵاوكردۆتەوە ئەو بە فراوانی ناوی كوردانی خستە نێو لاپەڕەكانی مێژوودا .
سوپاس بۆ خودای گەورە كە سەركردەیەكی جیهانی و پایە بەرز دروست بووە كە سەلاحەددین ئەیوبی لە میللەتی كوردە ، ئەوە دەسكەوتێكی زۆر گەورەیە ، كە ناودارترین سەركردەی ئیسلامیە لە سەرانسەری جیهان دوای پێغەمبەر (د.خ) لە كوردان بێت .
لەبەر ئەوەی ئەوڕۆ زۆربەی زۆری خەڵكی گەلی كورد سەر بڵندن بەوەی كە سەركردەی جیهانی سەلاحەددین ئەیوبی كوردە و زۆر شانازی پێوە دەكەن .
سەرچاوە :
– وەصفی حسن ، صلاح الدین ئەیووبی ، قارەمانێ كورد و دیاردا جیهانی ، خوێندنەكا نوی .. زانیارێیت نوی ، ( دهۆك ، 2015 ) ، ل 178-179 .

لێدوان له‌ ڕێگای فه‌یس بووك

About كه‌یفی عمر

Check Also

1982

دانوستانه‌كانی به‌ره‌ی كورستانی‌و رژێمی به‌عس له‌ دوای راپه‌رینی 1991

پێشه‌كی رووداوه‌كانی نێو قۆناغی مێژووی هاوچه‌رخی كورد پێویستیان به‌ لێكۆڵینه‌وه‌‌و له‌سه‌ر راوه‌ستانی بابه‌تیانه‌ هه‌یه‌، له‌ …