یەكەی 731 بناسە

14000738_2007032111154427107400

یەكەی 731 بناسە

سوپای ژاپۆن یەكێك بوو لە سوپا بەهێزەكانی دنیا لە سەردەمی جەنگی دووەمی جیهانی، یەكەی 731 كە یەكەیەكی ئەو سوپایە بوو ئەركی ئەنجامدانی تاقیكردنەوەی نهێنی بایۆلۆجی و كیمیایی بوو، مەترسیدارترین یەكەی سوپا بوو.

ئەو یەكە خاوەن تاقیگەی جیاجیا بوو و چەندان توێژینەوەی نهێنی ئەنجام دەدا بەمەبەستی پێشخستن و پەرەپێدانی چەكی بایۆلۆجی و كیمیایی بەمەبەستی بەكارهێنانی لە جەنگدا، ئەوەی گرنگە ئەو تاقیكردنەوەكانی راستەوخۆ لەسەر دیلەكانی جەنگ بوو.

شوێنی ئەو یەكە دەكەوتە هەرێمی بینجفانج لە باكوری چین و لە ساڵی 1932 لەلایەن جەنەرال شیرۆ ئیشی دامەزرا كە ئەفسەرێكی باڵای پزیشكی سوپای ژاپۆن  بووە لەسەردەمی ساداو ئاراكی وەزیری بەرگری ژاپۆن.

لە ساڵی 1936 ئیمپراتۆر هیرۆهیتۆ رەزامەندی دا لەسەر فرەوانكردنی یەكەكە و خستییە سەر سوپای كوانتۆنگ وەك بەشی پاراستن لە كارەسات و رووداوەكان، ئەو یەكەیەكی مترسیدار بوو و تاقیكردنەوەكانی لەسەر زیندانی و دیلەكان بەزیندوویی جێبەجێ دەكرد.

وەك توێكاریكردن (تشریح) بۆ جەستەی دیلەكان بەزیندوویی و بەبێ سڕكردنیان بۆ ئەوەی ئەنجامی تاقیكردنەوەكانیان زۆر ورد بێت، هەروەها بەستنەوەی زیندانیان بەستوونی لەیەك دوور بۆ زانینی كاریگەری چەكی میكرۆبی و كیمیایی و جۆرەكانی تەقەمەنی بۆسەریان.

هەروەها درزیلێدانیان بەهەوا بۆ دیاریكردنی كاتی دەركەوتنی نیشانەكانی وەستانی دڵ و برسی هێشتنەوەی زیندانیان بەبێ خواردن و خواردنەوە تا مردنیان بۆ زانینی ئاستی بەرگەگرتنی مرۆڤ بەبێ خواردن و خواردنەوە تا دەمرێت.

وشە/یەوم ئەلسابع-و: مەحموود ئیسماعیل

18820161636450_JapaneseCC18-8-2016 8_09-589x490

14000738_2007032111154427107400

لێدوان له‌ ڕێگای فه‌یس بووك

About نورسی گۆران

Check Also

2017031608070171

40 ساڵ به‌سه‌ر جه‌نگی میسر و سووریا دژ به‌ ئیسرائیل تێپه‌ر ده‌بێت

لە ٦/١٠/١٩٧٣ جەنگ لە هەردوو بەرەی سوری و میسری دەستیپێکرد، سوپای میسری توانی لە هەمان …