Home / بەشی مێژووی كورد / مێژوو زاموان

مێژوو زاموان

800px-Median_Empire-660x330

 جوور ئه‌وه‌ك ئاشكراو دياره‌، لۆلووه‌یل سه‌رده‌مه‌یل فريه‌یگ ناو وڵاته‌گه‌ى خوه‌یان نانه‌ “زاموان، زه‌میا، زه‌میان یا زه‌ویان”، دى وه‌گووره‌ى زانیارى ئه‌گه‌ر بنوڕيمنه‌ زووانه‌یل هندوئۆرپى وه‌تایبه‌ت زووان سلاڤیه‌یل ئه‌تویه‌نیم چه‌ن گریه‌كووره‌يگ واز بكه‌یم و ئه‌گه‌ریش هویر بخه‌یمنه‌ لاى مێژوو هووزه‌یل لۆلوو ئه‌وه‌ ئه‌رامان ده‌ركه‌فید ك ته‌نیا له‌ سه‌رده‌م “ئاشوور بانیپاڵ دویه‌م 880 – 884 و . ز” لۆلووه‌یل فيشتر له‌ چوار جار په‌لامار دریانه‌و خاكیان داگیركریاگه‌و له‌و سه‌رده‌ميشه‌ وه‌ نیشتمان خوه‌یان وتنه‌”زاموان”.

وشه‌ی زاموان وشه‌ی ئه‌ڵڵاجه‌ويگ نیه‌ له‌ زووان ئیسه‌ى كوردى هاوچه‌رخ و ته‌نیا بڕيگ ئاڵشتكارى هاته‌سه‌ بانى، وشه‌ى”زام”ماناى”زه‌خم، زيه‌م”ئه‌ياد و وشه‌ی”وان”یش جوور تایبه‌تمه‌‌ندى مقه‌یه‌تیكردن و خاوه‌ندارێتى لكیه‌یده‌ قه‌ی بڕيگ وشه‌يل‌ جوور”پاسه‌وان، گاوان، شوان…هتد”.

له‌يرا وشه‌ی زاموان وه‌ مانای”وڵات زه‌خمی” یا خاك زه‌خمدار هاتگه‌، ئمجا وڵات لۆلوو ئه‌و وه‌خته‌ ك ناوى زاموان یا زه‌میانى بویه‌ چه‌نه‌ها جار په‌لامار درياگه‌و داگیر كریاگه‌و خوین هه‌زاران ئاده‌میزاد لۆلوويش له‌تى رشیاگه‌، هه‌ر وه‌و خاتريشه‌ فريه‌جار له‌ لاه‌په‌ڕه‌يل مێژوو وه‌ كوردستان وتنه‌ وڵات”وه‌فر و خوین”.

ئه‌گه‌ريش جارجاريگ وشه‌ی زه‌میان یا زه‌ویانيش له‌جیاى”زاموان” وه‌كار هاتوید، ئه‌ویش هه‌ر وشه‌ی ئه‌ڵڵاجه‌ويگ نیه‌ له‌زووان ئمڕوو كوردى، ك ماناى زه‌وى یا زه‌مين ئه‌ياد و گشت ئه‌یانه‌يش‌ ماناى خاك ئه‌يه‌ن.

دى ئه‌گه‌ر لۆلووه‌یل ناو وڵاته‌گه‌ی خوه‌یان وه‌”زه‌میان يا زه‌میا يا زاموان”ناوطير كردوين، ئه‌وه‌ بیگومان ئه‌و وڵاته‌یليشه‌ ك ناوه‌یلیان وه‌”ئان، ئین، یا” كووتایى وه‌پی ئه‌يادئه‌تویه‌نیم بویشیم: كاریگه‌رى زووان لۆلووه‌یل بویه‌ ك تا ئیسه‌یش شوونه‌وارى هه‌ر مه‌ندگه‌ له‌بان زووانه‌یل زينگ جه‌هان وه‌تایبه‌ت زووانه‌یل هندو ئۆرپى .

رزگار ره‌نجه‌ڕۆ

ج . أ

لێدوان له‌ ڕێگای فه‌یس بووك

About didar othman

Check Also

75341173_955724274814673_7299845051868250112_n

چەند دیمەنێكی قەڵا دێرینەکەی شاری وان

قەڵای وان یەکێکە لە شوێنەوارە مێژووییەکان و دیمەنە سەرنجراکێشەکانی شاری وان لە باکوری کوردستان، کە …