نەخۆشیش ڕێگەی لەداهێنانە گەورەکانی میکیلەنجیلۆ نەگرت.

نەخۆشیش ڕێگەی لەداهێنانە گەورەکانی میکیلەنجیلۆ نەگرت

.

بە گوێرەی لێكۆڵینەوەیەكی تازەی ئیتاڵی، دەركەوتووە كە هونەرمەنگی نیگاركیش و پەیكەرتاشی بەناوبانگی ئیتاڵی “میكیلەنجیلۆ بوۆناروتی” نەخۆشی هەوكردنی جومگەكانی دەستی هەبووە،

بەڵام بە هونەرەكەی توانیویەتی بەسەریدا زاڵ بێت و رێگەی لە داهێنانە گەورەكانی نەگرتووە.

توێژەرە ئیتاڵیەكان دەڵێن میكیلەنجیلۆ لە تەمەنی 60 ساڵیدا دووچاری ئەم نەخۆشیە هاتووە، كە سەرەڕای ئەوەی ئازاری هەیە، جومگەكانی دەستیش دەئاوسێنێت و كاركردنی ئاسایی بە دەستەكان زەحمەت دەكات، نەخاسمە كاری وردەكاریی وەك هونەری نیگاركێشی و پەیكەرتاشی، بەڵام ئەم هونەرمەندە مەزنە بەهونەرەكەی توانیویەتی بەسەر ئەم نەخۆشیەدا زاڵ بێت و شاكاری گەورەی جیهانی دروست بكات.

میكیلئەنجیلۆ لە ساڵی 1475 لە ئیتاڵیا لەدایك بووە و ساڵی 1564 لە تەمەنی 88 ساڵی كۆچی دوایی كردووە، جگە لە نیگاركێشی و پەیكەرتاشی، وەك شاعیر و ئەندازیارش ناسراوە، لە گرنگترین كارەكانیشی “پەیكەری داود” و “تابلۆی خەلقبوونی ئادەم” و “پەیكەری بیتتا”یە